Hvað er Manual Therapy?

Sérkenni Manual Therapy eru fyrst og fremst fólgin í því að lögð er áhersla á nákvæma greiningu á eðli og staðsetningu kvillans. Ítarleg þekking á uppbyggingu og starfssemi líkamans og skoðunarhæfni sjúkraþjálfarans vinna saman að greiningu, sem leiðir til hnitmiðaðrar meðferðar.

Í Manual Therapy er sjúkdómsgreiningin eða starfrænt mat aðalatriðið. Sjúkraþjálfarinn metur hvort til staðar eru hreyfitruflanir sem geta valdið einkennum sjúklings. Einnig er ástand mjúkvefja metið. Ýmsar rannsóknir eru og hafðar til hliðsjónar,svo sem röntgen,segulómun, skann og blóðprufur.

Í hverju felst meðferðin?

Meðferðin beinist að því að minnka verki, liðka stirð líkamssvæði og styrkja svæði sem eru ofhreyfanleg. Einnig eru líkamsskekkjur leiðréttar.
Helstu meðferðarform eru:

• sérhæfðar hreyfiaðferðir til liðlosunar
• sérhæfðar hreyfiaðferðir sem verkjameðferð
• hnykkingar
• tog
• nudd og ýmsar vöðvaslakandi aðferðir
• vöðvateygjur
• aðferðir til að auka hreyfanleika taugavefs
• þjálfun
• fræðsla
• fyrirbyggjandi aðferðir